أرجو من دكتورة المنتدى أن تجيبني و كل أخت مرت بحالتي
أنا عندي عام و شهرين ملي زيدت، و كي زيدت اعطاتني الطبيبة حبوب ميكروفال قالت لي استمري عليها حتى نكمل 6 شهور، نروح عند الطبيبة تبدلهالي
المهم أنا فاتو ليامات و نسيت بلي قالت لي نبدلها، و كي ذكرتني أختي رحت نجري عند الطبيبة قالت لي لالا ما تبدليهاش حتان تحبسي الرضاعة، و رحت عند طبيبة ثانية قالت لي لالا راكي فالريسك، لازم 6 شهور و تبدليها، و اعطاتني الدوفاستون باش تهبط لي الدورة نشربو 5 أيام زوج حبات فالنهار، و في أول يوم للدورة نبدا نشرب حبوب مارسيلون
أنا كملت الدوفاستون نهار الخميس يعني اليوم 5 أيام و ما نزلتش الدورة، عندي الوجع نتاعها يروح ويولي و ساعات نحسها تنزل و لما نشوف ما نلقى والو، آسفة لكن للتوضيح، درت الصباح تاست خرج لي نيقاتيف
حبيت نولي عند الطبيبة قالولي قونجي، و اهنا فالبلاصة الي نسكن فيها في الجنوب ما كانش جينيكولوج مرا، كاين راجل و زوجي رفضضضض، و حتى أنا ما حاباش نروح عند طبيب
بصراحة خايفة يكون عندي كاش حاجة حتى ما هبطوش، قريت فالنت أنو الدورة تنزل بعد الدوفاستون بعد 5 على الأكثر
يا ريت الطبيبة تجاوبني و البنات اللي عندهم تجربة
و أجركن على الله
انا ارضعت ولدي ستة اشهر ونقص مني الحليب حبس هو وحدو عاد ما يحبش يرضع ما يشبعش بدلتها وكليت ميكروفال بالدات
حبيبتي الديفاستون هدا ما فهمتش علاه عطاتهولك
ديفاستون يمدوه لوحدة عندها اظطراب فالعادة الشهرية ولا وحدة حابة ترفد بالحمل وهي علاه عطاتهولك ما فهمتش
المهم مادام درتي تاست وخرج نيقاتيف رحمة ربي يعني ماكاين والو ويالاك نتي تقلقتي عليها كي ما هبطتش علابيها تاخرت خاطرش النفسية تاع المرا تاثر عليها
وانا نقولك عن تجربتي
كي تهبط عليك هدي المرة خلي تصفاي وكولي لابيليل ميكروفال تاعك نورمال نهار تحبسي الرضاعة وبدليها وربي يجيب الي فيه الخير
انا شربت ميكروفال عام و شهرين تقريبا
و ما جاتنيش الدورة ملي زيدت
رح نزيد نستنى شوية و نشوف كيما قلتي
مشكوووورة حبيبتي ع الاهتمام
صح و الله راني مقلقة و تاست رايح و واحد جاي ههههه
رح نجرب الصيام ايلا ما هبطوش
يعطيكي الصحة على الرد حبيبتي
و واحد يقولك لالا مادامك ترضعي ما تبدليهاش و انا احترت
و الدوفاستون قالت لي ايلا كاين حمل يثبتو و ايلا ماكانش يهبط الدورة فاعطاتهولي باش يهبط لي الدورة باعتبار اني مش حامل
و الله محتارة خايفة نكمل بميكروفال و تكون صح ضعيفة و راني خايفة نغامر سيرتو ولدي مازالو صغير بزاف باش نزيد
الله يخليك حبيبتي مشكورة ع الافادة
يعني مش تاكلي بلاكة وكي تخلص تحبسي تجيك العادة ومن بعد تبداي بلاكة جديدة يعني تاكلي بلا ما تحبسي خلاص خاطرش ضعيفة الميكروفال
شوفي ماعليهش اصبري عليا غدوة الصباح نجيبلك الخبر الصحيح مرت خويا طبيبة غدوة نعيطلها وردلك الخبر الصحيح وشنو ما تخمي فوالو راهي صراتلي الف مرة تاع تروح ودير الروطار وترجع من عد تعود قد ما تخمي ما والو
بصح الديفاستون هدا الي ما فهمتوش يثبت الحمل زعما والله ما نعرف هو يتشرب قبل الحمل يعني يساعد على الحمل وكانت اختي الصغيرة عندها اظطراب فالعادة عطاوهولها عادت تمشي قد قد
يعني هدا من واش نعرف بصح الطبيب اكيد راه علابالو واش راه يدير ما فيهاش شك نحي القلقة برك وغدوة نردلك الخبر هدا ادا ما دخلتش الاخت وزني دهب وعطاتك الخبر الصحيح ربي يجيب الخير
وجود دورة دموية هذا الشهر فلا خوف عليك وشكرا
