طلب مساعدة 2024.

اخواتي العضوات السلام عليكم ورحمة الله.
تعرفو بلي العيد راهو قرب وما يخفاكمش بلي الحلويات هي زينة المائدة الجزائرية في الاعياد.وانا بصراحة مليت من الوصفات اللي دائما نكرروها تقريبا في كل عيد.:birthday_37_0:
فارجوا من كل من تملك وصفات جديدة سواء مجربة او غير مجربة الا تبخل بها علينا.
نحن بالانتظار.الجيريا*

وعليكم السلام ورحمة الله وبركاته
ايييييييييييييه فكرتيني بالحلويات نتاع العيد نسيت بلي العيد قرب الله يحيينا ويهنينا يارب
انا بصراحة ما عنديش ناس يجولي فاماراحش نعمل انواع نعمل نوع واحد برك ان شاء الله وهي الجوزية فقط
لكن ان شاء الله نشوف وصفات موجودة عندي ونقولك عليها
وعليكم السلام ورحمة الله وبركاته

اختي حطيت وصفات جديدا وانشاء الله تعجبكم في منتدى الحلاويات

ايه راني كنت معاهم.
شكرا على اهتمامك. وربي يخليك لينا ان شاء الله ولا يحرمنا من خدماتك .
يا ربالجيريا
:birthday_37_0::smile27:صار هكذا ولا واحدة تبرعت علينا بوصفة من الوصفات اللي تعرفهم ماعليهش ربي خير
لالا يا وردة مش حكاية ماحبيناش ولكن حتى انتي قلتي مانيش حابة وصفات الي متعودين عليهم وانا وحدةة من الناس كل الوصفات الي نعملها قديمة او موجودة في الانترنت وفي قسم الحلويات وخاصة مواضيع حنان ماشاء الله مئات الوصفات
يعني كلها يا اما المشكلة يا اما مخبز او قنيدلات بقلاوة مشوك صابلي هادوا هوما والله
وفعلا الحمدلله ربي خير
مرحبا اختي

هذي الوصفة عملتها من مدة

ونعملها للناس العزاز عليا

ان شاء الله تعجبك

القرنفلة أو الياسمينة

الجيريا

المقادير

العجينة
3 كيلات فرينة
1/2 كيلة زبدة
فانيليا
ماء الزهر

الحشو
3 كيلات لوز
1 كيلة سكر رطب
برش ليمونة
فانيليا
5 بيضات
1 م ك زبدة

الطريقة

نجمع مكونات العجينة ونقسمها على نصفين

نصف أبيض و النصف الآخر نضيف له بودرة الكاكاو المنحلة في ماء الزهرثم نتركها ترتاح

نجمع مكونات الحشو ونتركها ترتاح ايضا

نشكل من العجينة كريات بحجم حبة الجوز

نبسط العجينة البيضاء والبنية

نقطع مربعان ( 4 سم *4 سم ) واحد أبيض والآخر بني

نضعهما فوق بعض ( من المستحسن البني و فوقه الأبيض )

نضع كرية من الحشو

نقطع نصف كل ضلع دون الوصول للوسط

نضع الزاوية في أعلى الحشو

نجمع الجهتين ونضغط عليها جيدا لكي لا تفتح عند الطهي

نشكل زهرة صغيرة بيضاء ونضعها أعلى الحشو

نضع ثقب في الوسط الزهرة للإمساك بكل الزوايا

تطهى

ثم تعسل ( مرتين أو ثلاث )

نزينها بالحبيبات الفضية

اختي الوردة انا من راي هنو لان انا تاني لمن اندير الكاطو هو هو وان اكتر من هنو الي انا مانديرش بزاف الحلوى او هاد العيد كاع من اندير انا الي افهمت الطلبات اديالك حيكون الموضوع محطوط في قسم الحلويات هكداك باش انربحو بزاف انتاع المواضيع ماشي مهم احط وصفات انتاع الحلوى اهناي انت راقبي لبنات ويلا حطو موضوع او شوفيه واش عجبك ان شاء الله ماتزعفيش اعلى كلامي
اختك في الله ســوســو
اختي تيتينا انديرلك واحد اشغل اصغير ياريت انك اتحطي موضوعك في قسم الحلويات
بارك الله فيكم اخواتي ويعطيكم الصحة وانا كي قلتلكم ربي خير راني غير نقصر معاكم برك ماشي قصدي ختى حاجة و حنا رانا دخلنا للمنتدى باش كلنا ان شاء الله نستفدو ماشي باش نتجادلو ا ولا نجرحوا بعضناعلى العموم انا اسفة.على فكرة اختي سوسو انا من المفروض راني حطيت الطلب في قسم الحلويات بصح ماعلاباليش كيفاش لقيته هنا.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.