السلام عليكم خواتاتي….
انا عندي شهادة جامعية في الاقتصاد لكن كيما تعرفوا منصب عمل ثابت غير موجود…المهم تعلمت الخياطة على اصولها بالباترون للاطفال و النساء الحجابات القنادر المعاطف الخ… و نخدم الكروشيه البسيط و لاني مانيش من نفس الولاية ماقدرتش ندير زبائن ليا خصوصا مانخرجش بزاف …..المهم جاتني فكرة ابحث عن خياطة عندها الخدمة بزاف نخدم عندها و مانيش رايحة نتعبها لاني متمكنة و متقنة لعملي و ماعليش نوريلها البعض من خياطتي الانيقة 
و ربي يجيب الخير
انا نسكن في سطيف …
ربي يبارك عليك
ما شاء الله ان شاء الله السطايفيات يعاونوك
ما شاء الله ان شاء الله السطايفيات يعاونوك
ان شاء الله ربي يوفقك
اسفة لا اعلم
اسفة لا اعلم
انت في اي بلاصة في سطيف
انا من سطيف ولكن صراحة ما نخرجش بزاف ممكن ايضا تديري دروس في الخياطة راهم مدايرين حالة او ممكن تتفاهمي مع محل لي يبيع الحرج
عندي فكرة اخرى ليك هنا في المنتدى شفت بنات بزاف يحوسو على خياطات علاش ما تحطيش مودالات فالمنتدى ولي تحب تخيط تبعتلك المودال وسعر الخياطة والقماش ومصاريف الشحن وانتي تهيطيلها
فكرة فقط
فكرة فقط
يعيشك اختي ..
فكرة اول مرة نسمع بيها بصح نظن سلبياتها اكثر اولا ممكن الزبونة ماتعرفش تمدلك القياسات الصحيحة و الخياطة بالباترون تستدعي دقة القياسات خصوصا في فساتين السهرة و الحجابات التركية و حتى للاطفال و هذا ما يصنع الفرق في النتيجة النهائبية بالاضافة الى الشحن …و ربما الملابس تحتاج تعديلات على جسم الزبونة فاين اجد هذه الاخيرة..المهم شكرا على الفكرةو ستبقى مطروحة اذا لم اجد البديل
هي ايضا فكرة طيبة لكن دروس عندي في البيت غير ممكن لاني نسكن مع اهل زوجي و راكي تعرفي..
افضل العمل في مدينة سطيف و تعرفي اختي منين تكون الكثافة اكبر اكيد رايح الواحد يخدم.و خصوصا الخياطة العصرية.انا سالت في عقود ما قبل التشغيل و اخبروني انه بامكاني العمل مع خياطة في اطار عقود ماقبل التشغيل يعني نخدم معاها و لكن مديرية التشغيل هي لي تخلصني…اذا كان عندك اختي اقتراح يهمني فانا موجودة 