ساعدوني 2024.

من فضلكن اريد المساعدة راني دخلت الشهر التاسع من الحمل و ما على باليش وين نولد هنا في دزاير و خايفة من سبيطار بيلفور قالولي ماشي مليح راني انخمم نروح لعيادة خاصة واش رايكم حنوناتي

السلام عليكم

الله اعلم اختي

ان شاء الله الي عندها فكرة تفيدك

المهم ما تنسايش الدعاء وقراءة سور من القرآن راح تساعدك

وان شاء الله ربي يسهل عليك كل شي

ربي يجيبلك السلاك ويجعل ذريتك صالحة ان شاء الله

السلام عليكم اختي ربي يسهلك زيادتك انا مانعرفش مستشفيات في الجزائر لكن اذا اخذتي رايي روحي لعيادة خاصة يقوموا بيك وبابنك افضل من لمشفى
السلام عليكم
حبيبتي مام انا راني ف الشهر التاسع
و انا نفضل العيادات الخاصة انا شخصيا اخترت وحدة في البليدة اسمها كلينيك رحال
و انا راني في مجال الطب و نعرف المستشفيات الجزائرية كيفاه راهي في حالة كارثية انا نقلك الخاص ب دراهمك و قيمتك و شانك
يا اختي كيما قالولك البنات كلينيك بريفي خير . مستشفيات دزاير حدث و لا حرج
ربي يقومك بالسلامة و يسهل ولادتك

اختي اذآ تعرفي وحدة من الاقآآرب يشتغلون هنآك فلا داعي لكلنيك خآص

انآ معلابليش علاه تتهموآ في المستشفيآت العمومية مآشي كآمل كيف كيف

كآين الي خآف ربي و يخدم مليح و بضميـــر

انآ وحدة من النسآْء الي انجبت في مستشفى عآم و لم الاقي الا المعآمله الجيدة

يمكـــن لانني اعمل في مجآل الصحة يعني يعرفوني

كمآ ان الكوآرث ايضآ تحدث احيآنآ في العيآدآت الخآصة

كم مرة صودفت بامراة وضعت في عيآدة خآصة و نست القآبلة الضمآدة بدآخلهآ

و حدث تعفن دآخل رحمهآآ

عفآآكن اخوآآتي

و اذآ راكي شآيفة سبيطآر ميريحكش روحي لكلنيك خآص يعني الي يريحك

اذن الخطأ قد يقع في العآم و الخآآص

و امنيتي لكي ان تضعي بسهولة دون اي صعوبة

انتي و كل من هي على وشك الولاادة

سلآآمي~~

وعليكم السلام
أختي ربي يسهلك حملك ووضعك أختي الكريمة
الزيادة مكاتيب أنت أسعاي ولي فيها الخير ربي يقدرها لك السبيطارات كاين بلفور مصطفى بارني ولا كلينيك نتاع الدولة دروندو في باب الواد ولا نتاع السمار
كلينيك بريفي أنت وقدرتك المالية أختي كاين ممكن تلحق حتى 8 ملايين أو أكثر إذا كانت قيصرية كاين نتاع سيدي يحي ببئر مراد رايس كاين في الأبيار كاين كلينيك جازية في القبة وكايين وكاين
على كل واحدة واش تقول كاين لتقول السبيطار خير وخرج عليها وعجبها وكاين ليقول البريفي خير وخرج عليها وعجبها وكل وحدة ورايها وفي الأخير هي مكاتيب الله أنا كنت حابة نزيد في السبيطار وجريت وسعيت بصح ما كتبليش ربي وزيدت في البريفي .
صلي صلاة إستخارة وربي يسهلك أختي.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.