ساعدوني من فضلكم 2024.

ربي اشافي وليدك أنا معنديش دوا عرب لكن نعرف pédiatre هايل في alger
ونظن وليدك عندو l’allergie هي لمتروحش وطول يلزمو climat sec جو ناشف
ولاحبيتي عنوان ورقم هاتف pédiatre ابعثيلي على الخاص وربي اجيب الشفاء
إن شاء الله الأخوات يفيدوك.

ربي يشافيه أختي أم يوسف، و الله ما عندي حتى دوا بصح إذا كاشما سمعت نقولك، حاولي تكثريلو من عصير البرتقال و الكيوي

الله اشافيه حبيبتي واتمنى البنات يفيدوك والله ماعندي اي فكرة

شوفي حبيبتي هي دائما يقولو الوقاية خير من العلاج

وانت لازم اديري مليح في بالك لما يكون اوليدك مريض بالزكام

الدوش ممنوع عليه حتى يبرا مليح الوسخ مراحش يقتله

وثانيك تبعيله غذاء صحي بالفيتامينات حتى اذا كان ضعيف يتغلب على المرض بسهولة

خاصة v سي عصريله البرتقال وحطي فيه شوية سكر وخليه يرضعه وابدا مشي على معدة فارغة يكون واكل

اذا خرجتيه برا دفيه مليح واذا كان في الداخل خليه على راحته في اللبسة على جو البيت

ديما يكون لابس اما الجوارب او الحذاء لان البرد يبدا من تحت

اذا ابديتي اتباع اي دواء لازم تكمليه وخصوصا البنسيلسن لان ايقاف العلاج بدون سبب او بحجة مانفعش فيه
راح تولدو مناعة الدواء ومن باعد ماينفع فيه حتى دواء

اذا حكماتو الحمى عليك بالسيرو نتاع الحمى وابدا ماتستعمليش اسبيجيك لانها مضرة على الاطفال
فالطفل لما يكون مريض الماكلة نتاعو تنقص وبالتالي اسبيجيك على معدة فارغة كارثة

أ،ا اوليدي ديما نعملو غلاموكسيل هو اونتي بيوتيك مدة العلاج 7 ايام

مع الحتياطات اللي ذكرتهالك سابقا

والله يشفيه حبيبتي

مشكورة حبيبتي على الاهتمام
و الله كامل الشيى اللي قلتي عليه راني دايراته
حتى الكلاموكسيل مايخطينيش كامل من الدار
جزاك الله خيرا ختي

chufi ukhti ana rani 3aycha fel kharaj w makach manha dwahada walah maya3tuhulak hata wlidak ykun ta3 sah mridh machi kim afe dzayar ychab3u lawahad dwawat
lawal ila kayan chkun ya3dih lazam tba3dih 3lih w malazamch tkhalih dayaman mahbus fe dar lazam tkharjih min dak bach machi ghir ycham chwya hwa yamradhlak w zid haja muhima hya sit situn 3lik bzit zitum makach li futha mais balakiha rahi wa3ra ila dartiha lawlidak malazamch ykhraj lalbard w rabi ychafihulak ya rab w ay sual akhur rani khti

حبيبتي رب يكون معاك
حاولي تغديه الطبيبعي وزيدي العسل الحر والعسل وحبة البركة مرة على مرة وكل ما يقوي المناعة
ممكن الكليما تاعكم مضرة
ربي يجيب الشفا