ساعدوني في مشكلة طفلي 2024.

شوفي اختي انا ايضا من العام الماضي كان لابني نفس المشكل والان مازالو شوي و مش مقلقني بزاف لاني فهمت و بديت نساعدو وكان يحشم صوته ما يرفعوش هههه والان ارواحي تشوفيه كون ما يحفظش وهو يعيط ما تحلالوش
المهم العام لي فات المعلمة لاحظت عدم نطقه لبعض الحروف مثل الراء قالتلو قولطررررر

ههههه النهار كامل و هو حاكم فيها حتى نطقها و صاحب زوجي دارس علم النفس لاحظ المشكل في ابني قالو أعطيلو ينفخ يتعلم ينفخ البالون كل ماينفخ يخرجو مع الهواء مخارج الحروف و قالو كل ما تلاحظ خطأ في نطقه ماتضحكش عليه بالعكس صححلو الخطا بشوي
شوفي الخطأ ليس في الطفل لازم نشجعوهم مادام ماكانش عندهم خلل نقدرو نساعدهم

شكرا لك ام ضياء مام جاتي كان عندها مشكل مشابه ونصحتني بالنفخ قاتلي راه ينفع
مزال مجربتوش

ماشاء الله ربي يخليه اختي ام سرين
اضن ان امر ليس بالخجل وانما بالحياء مادام يلعب ويهدر ماعندو ختى عقدة
راهو يحشم من الاشخاص اللي كبار مثل المعلمة وهنا دورها تقربوا ليها تعمل لهم مسابقات في القسم وكل مايرفع صوته
خاصة في قراءة القران الكريم
وانت ماعليك الا تلعبي معاه مسرحيات مع اخواته يحبها يعمل ادور ابطال لازم يرفع صوته لكي يسمعوه الاخرين
خاصة ليمغيونات يدخل يديه بداخل ويحركها جميلة جدا للاطفال
انا عندي في الدار منهم ونخليهم يلعبوا بادور تساعد كثير الاطفال على النطق الصحيح في اللغة
ويعبرو ا بما في داخلهم قولي له ان ابني رحيم تقربيا قده في العمر راه يسلم عليك ويقولك شوف يدي راني نلعب بهم

كدلك خليه يتحك مع ناس كبار خاصة عندما تشري شيء هو يخلص البائع
لا يوجد مشكل كبير فقط حفزيه كي تزيد الصوت يزيد الشيء اللي يحبوا
ربي يقدرك ان شاء الله

وانا اضم صوتي لصوتك وارجو اجابتنا على نفس المشكل مع ابنتي مشكلة عدم نطق الكلمات مثل القاف_الطاء وهي تبلغ 6سنوات ولم استطع مساعدتها لتحسين نطقها مع العلم تدرس تحضيري ومستواها جيد ومعلماتها تشكرن في مستواهاوتشارك في القسم عادي

اااااااااااااااااااااه يا ام سرين حطيتي يدك على الجرح انا ابني مايقولش حرف الراء يقولو ل*لا* وعرف غ يقلو**ع** وحرف الخ يقلو**ح** املا باباه درك عليه وعلمو حرف الخاء بسيف قالو قول **اخ اخ اخ اخ حتى تتعلم املا تعلم بصح المشكل نقلب كل كلمة فيها حرف الحاء تنقلب عندو للخاء مليح رجعها**مليخ**ههههههههههههههههههه املا قلت لباباه حبس ماتزيد تعلمو والو الطفل راه يتبروقا ر امة هههههههه

اذا عمت خفت
يعني مرنيش نعاني وحدى ههههه
شكرا نوالو على المعلومات راح نجرب فكرة المسرحيات عجبتني بزاف

كيما يقولو هم يضحك وهم يبكي والله ضحكتيني نورهان
ربي يكون فالعون ويقدرنا على الاولاد

لالا اختي نرهان مادام باباه علمو ينطقها و نطقها صحيح كملو معاه و صححولو بشوي راه اول مرة تتخلط عليه ولكن من بعد يتحسن ابني قريب 6سنين و كاين كلمات جاوه صعاب النطق في القران نهار كامل و انا معاه حتى يصححها ولو بقيت معاه أسبوع المهم الكيفية وليس الكمية
فكرتوني خويا لما كان صغير البطاطة يقوللها بقاقة هههه حتى للسنة الثانية