سؤال وجواب ؟ 3 2024.

السلام عليكم ورحمة الله تعالى وبركاته

الاخت 3osfora تسآل

إذا زاد طعم الملح او الطماطم في الأكل واش الحل؟

نتمنى يجابوك الاخوات و المنفعة متبادلة

في انتظار اسئلتكم الجيريا

قطعي حبة بطاطا طازجة و ارميها في لاصوص المالحة و باذن الله تشرب الملح

وبالنسبة للطماطم كي تبان بزاف في لاصوص خصوص اذا كانت حامضة نضيف شوية سكر الجيريا

إذا زاد الملح في المرقة ارميلو حبة بطاطا أوالزرودية تاني تمتص الملوحة
أما إذا لادرتي حاجة ناشفة وجاتك مالحة عاودي ضاعفي المقادير وماديريش الملح
مثال نفرضوا درتي قراتان شوفلور وجات مالحة
عاودي زيدي ديري كمية أخرى تاع شفلور وماديريلهاش الملح باش توازني كمية الملح وكملي خدمتك
أما الطماطم إذا جات قارصة تقدري تديريلها السكر هو يكسر طعم الحموضة تاع الطماطم
أو رابي زرودية وزيديها للطماطم هي من جهة تزيدها بنة وثاني تحليها وتكسر طعم الحموضة
وحاجة أخرى الطماطم عمرك ولا اديريها بماها
لأنو الحموضة تجي في الماء
يعني قطري الطماطم تاعك مليح من الماء وامبعد رابيها
وهاكا مايكون عندك حتى مشكل
نعطيك وحد الحيلة انا نديرها فالدار باش ما يفيقوش باللي الماكلة مالحة
نخليهم ياكلو حاجة حلوة قبال الماكلة
والله ما يحسو خلاص بطعم الملح الزائد
ههههههههههههههههه

الملح الزائد ….حبة طماطم او جزر انا مجربتها …او ملعقة بالقدر .
بنة الطماطم ندير السكر .
ميما نور افكار رائعة اختي بارك الله فيك

حتى انا تاني كيما لبنات تنفع غير البطاطا مع المالح والطماطم كسري ليها الحموضة بالسكر
وشكرا لك مينا نور على التوضيح

ماشاء الله على الافكار يعطيكم الصحة
ميما نور بارك الله فيك 10/10

يعطيكم الصحة أفكار هايلة أنا ثاني لحموضة نكسرها بالسكر و مرة درت لحريرة حامضة حليت مغر ف فرينة في الماء و أضفتها

انا ندير حبة بصل للملح الزائد

للملوحة، كيما قالو الأخوات، بطاطا ، و للحموضية شوية سكر أو حبة تمر

اترك تعليقاً

اترك تعليقاً إلغاء الرد