المقادير:
راس ر كرم
مقادير الحشو:
3 معالق ارز اطبخيهم في الماء و الملح
فيونداشي حسب الرغبة
حبة بيض
حبة بصل صغيرة مقطعة
فلفل اسود فلفل احمر ملح المعدنوس مقطع
فصصي راس الكرم ورقة ب ورقة حاولي الاستحفاض على شكل الورقة تتحصلي على هاد الشكل
ديريهم في كسكاس و فوريهم متغطيهمش
متخليهمش يفورو بزاف نحوسهم يعودو مرخوفين شوية برك هاي ليك الصورة بعد 15 دقيقة
فرشي الورقة في صحن ضفيلها ملعقة كبيرة من الحشو
اثني الورقة على الحشو من الجهتين
ولفي الى اخر الورقة
اكملي بنفس الطريقة مع الباقي يبقالك شوية من الحشو شكليهم على شكل كرابع
مقادير الصوص
حمص طايب
شريحتين من الطمامم
راس بصلة صغير و مقطع
ملعقة صغيرة كركم[العود الاصفر]+رشة فلفل اسود +رشة قرفة+الملح+ملعقتين كبيرتين زيت
ديريهم في الكوكوت و قليهم شوية زيدي عليهم 2 كيسان ماء
عندما يغلي الماء ضعي حبات الكرم الي لفيتيهم بكل هدوء بلاك تحرقي روحك
ثم ضعي فوقهم الكرابع الي خدمتيهم من باقي الحشو
سكري الكوكوت و خليها مدة نصف ساعة على النار
و بصحتكم
ملاحضة:
تقدري ديري حبات الكرم المحشوة في بلى تاع كوشة و تسكبي عليه المرق الي حضرتيه مع الكرابع و ديريه في الكوشة
انا نقليه و ندير عليه المرقة
يجي روعة
بصحتكم