البارح ما لقيناش خبز الفوقاص عند المخبزات لي قراب من البيت واولادي يحبوه كثير قلت بحول الله نبحث على الوصفة ونجربوههههه
الحمد لله هذا اول نموذج والعاقبة لانواع اخرى من الخبز
العجينة المخمرة
200غ فرينة
20ع خمارة خبزلميهم بكاس ماء دافئ في اناء وغطيها وخليها تخمر
في اناء العجن حطي
1كلغ فرينة +شوية ملح+ملعقة كبيرة سكرخلطي مليح
+125غ زيتانا مانحبش هده المقاديردرت 4مغارف كبار…
نخلطو مليح وهنا نضيفوا العجينة المخمرة تلقاوها دايرة فقاعات وتبان خمرت
لمي العجينة بالماء الدافئ
في المقاديرحطين نصف لتر من الماء لكن انت عينك ميزانك ما تبسيهاش وما تكونش جارية كثير
تبقى طرية احسن…
الفرينة ما تطلبش دليك كبير اعجني شوية وخليها تتخمر الى ان يتضاعف حجمها
فشيها مرة اخرى لكي تتخلصي من الغازات وشكلي كرات وخليهم يخمروا ويتشاعف حجمهم وهنا السر لي جيك خفيفة بزاف
شكلي خبزات قطعي ذاخل الخبزة اشكال
خسارة ما صورتش كل المراحل لكم نقلتكم الطريقة ساهلة باذن الله
اطلي بحبة بيض والى الفرن
…..
تفضلن اعطوني رايكن…
الكتاب لي امامكن ديت منه الوصفة وين ما نجرب نوع نشاركم معايا ان شاء الله….
المفكرة الزرقاء نكتب فيها الوصفات من المنتدى هههه ديما معايا في المطبخ…
هذيك الخبزة صغيرةهي زوائد العجينة لي نحوهم من وسط الخبزو باه نشكلو الفوقاص
صدقوني اولادي طاروا من الفرحة حسبو اميهم دارت انجاز كببببببببببببببببر هههه
اعتذر مازال ما عرفتش كيفية تصغير حجم الصور….
والي عجبني اكثر كافتيار الي ماللور ماشاء الله مع كويس قهوة بالحليب ياسلام ممممم
وانا معاهم نقولهم برافو على ماماك شاف واحسن شيفان طبعا خموس عليك 
و أكيد نحبو نشوفوا كل إنجازاتك و وصفاتك
تسلمي
هذيك الكافوتيار هدية من عند امي قالت لي خليها لنسيبي صباح طيبي فيها القهوة سريعة وبسيطة ايضاههههه
ارواحي عندي نذوقك من قهوتها…..