عندي استفسارات الي مجربة او عندها معلومات تفيدني من فضلكن
انا ولدت ولادة قيصرية من 25 يوم و اول يومين نزل دم و ممباعد صار قطرات كل يومين او ثلاث
و لونه فاتح
فهل هذا عادي او يجب علي مراجعة طبيب ؟
و ثانيا
بخصوص الكرش
طبيبتي قالتلي ديري لاقان ولا الحزام لما يكمل الشهر
نحوس نعرف المجربات كيفاش اتخلصتو من الكرش
باسكو انا راهي منفوخة تقول عندي 4 ولا 5 شهر بالحمل
مطولوش عليا بالاجابة خياتي
وبخصوص الكرش الله اعلم
اما الكرش ياياياي انا اول ما ولدت متت بالخوف منفووووووووخة تقولي مازالني ما ولدتش بصح من بعد شهر ديري الحزام راهو الرحم منفوخ وما زال مارجع لبلاصتو ما تعبيش روحك بزاف وما تقلقيش راهي ترجع مع الوقت وحدها
انا عندي 8 شهور من ولدت غير دك نحس روحي مرتاحة
ربي يكون في عونك
والف مبروك والحمدلله على سلامتك
شفتك دايرة موضوع من مدة على انه لقاولك بقايا دم
علابيها انا خفت كي ولا الدم ينزل عليا غي قطرات
حتى و انا سمعت انه الي والدة قيصري ما ينزلش عليها بزاف باسكو ينقوها كي يفتحوها
حبيت نسقسيك كيفاش فاتت مشكلتك
و بالنسبة للكرش
رجعتي كيما كنتي قبل الحمل ؟؟
ثاني قالولي الي تولد قيصري تولي عندها دوارة دائما حتى لو ماكانتش عنها من قبل
باسكو من الداخل تولي الدهون تتلم في منطقة الجرح و صعب ازالتها
بخصوص الدم ما تتقلقيش منو لا من كميتو ولا من لونو لانه شيئ طبيعي جدا ورايحة تلاحظي في اخر النفاس يتبدل اللون الى الاصفر والمهم انو اي شيئ لازم ينزل من رحم المراة يكون نزل وصفات هذا هو المهم اما عن لا قان ما ننصحكش بيها
لانو راكي والدة حديثا انا في زيادتي الاولى ما تنفختش كرشي بصح في الثانية كيما راكي تحكي بصح صدقيني بعد مدة راحت الكرش
هذاك كامل نفخ من الغازات
اصلا المراة لازمها ستة اشهر كاملة باه ترتاح مليح من القيصري ونتي رايحة تخنقي روحك بلاقان
حبيبتي اصبري الانتفاخ يروح وعلى ضمانتي صراتلي نفس الحكاية
ربي يشفيك ويعافيك والف الف مبروك المزيود يتربى في عزكم يا رب
الله يبارك فيك يا رب
ربي يخليلكم وليداتكم و يرزق الي مازالو يا رب
وهديك الحوايج اللي كانت كامل راحت الحمدلله
انتي ساعفي روحك وماتزيريش على كرشك بالشهر الاول انا والله غير تحزمت في شهرين
