ايد وحدة ونشجعو بعضانا في شغل الدار 2024.

السلام عليكم اخواتي في حواء الجزائر

ان شاء الله موضوعي مايكونش مكرر وفي مكانه كل وحدة فينا في بعض الاحيان تجيها اوقات وتتكاسل فيها على الشغل تاع الدار
جاتني فكرة قلت وعلاش مانشجعوش بعضانا كل وحدة تدخل وتكتب واش دارت في الشغل الدار بالتفصيل كل يوم تحطي تقريرك في الميناج
حتى الطبخ واش طيبتي اذا ماطيبتش واش كليتي هههههههه

هكذا نكونو شجعنا بعضانا وشكون تبدا معايا نكونو ايد وحدة

[color="rgb(255, 0, 255)"][size="6" والي عندها افكار فيى النضافة تحطهالنا باش نستفادو منها ][/size][/color]

فكرة هايلة ايمان ان شاء الله تلقى تفاعل انا ليامات هادو بابا فالسبيطار راني خارج مجال التغطية يرتاح برك ونرجعلك حبيبتي .والله فكرة مشجعة وهايلةالجيرياالجيريا

ربي يشفيه ويعافيه حبيبتي
ورانا في انتظارك
أنا اليم أعطيت لنفسي راحة من شغل البيت ههههههههههههه
يعني ..ماشي راحة راحة ….ألي نتصوروها ..يعني راقدة ….هههه
مع ان الشقة ضيقة غرفة نوم و صالة …. وهي في بعض الحالات إجابية هههه
المهم شغلي اليوم بسيط …..نضفت الحمام طبعا …رتبت الغرف ….
عملت تشطيف بسيط للأرضية …..غدانا اليوم عدس مع سلطة…و خبز من المخبزة …
يعني ما درتش الكسرة هههه
و راني مع النت …..ههههههه
تسلمي اختي على الطرح

يعطيك الصحة اختي بدرة ربي يوسع عليكم
انا اليوم كالعادة هويت الغرف نظمت الاسرة
دخلت لبيت لقعاد هزيت الزربيه ونفظتها في البالكون
خرجت لفراشات لتهويه
دخلت للكوزينه غسلت لماعن كنست وطيبت لغدا كان حساء العدس وطاجين الجريوات
مسحت غسلت الحمام تنظيف كامل
مسحت الغبرة وجيت قعدت معاكم نستني في الاولاد من المدرسه
شكرا حبيبتي ام ايمان على الفكرة
كما قالت اختي ام اياد
كيعاد بابا في السبيطار رايحة جاية ماقعدتش للدار ليامات هدو
ايا اليوم كنت حانيتوايي الكوزينة كي سمعت بابا غدوا يخرج خليتها
ان شاء الله كي نروح من دارنا
نشارك
ويا حبذا لو تكون مشاركات الاخوات مدعومة ولو القليل من الصور راح يكون الموضوع احلى

شكرا اختي شوق الروح يعني انتي والاخت ام اياد اخوات؟؟؟؟
ربي يشفيلك والدك
فكرتك مليحة اختي ان شاء الله نحاولو ندخلو الصور قدر المستطاع
مشكورة اختي ام ايمان على الفكرة الرائعة التي اتمنى ان لايذهب مفعولها….
انا اليوم نضت روتار راجلي ما يخدمش….
لبست ولدي و غسل وجهو و شربتو حليبو و راح يقرا…
و انبعد شربت انا و راجلي حليبنا….و دخلت اول حاجة للكوزينة طيبت ملوخية …و حضرت سلاطة….و الخبز من المخبزة…
درت على لي شومبر و السالون هويتهو و باليتهم و رتبتهم…..الحمام لازم يتنظف…..و عقبت حاشاكم نشافة على الكوزينة و الكولوار و الحمام و جيت قعدت معاكم نستنى في راجلي يجي من برا باش نتغداو….
و صح غداكم
نعم حبيبتي خواتات
وشكرا ليك مجددا على الموضوع

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.