الى المعلمات .اريد استفسارا 2024.

اولا تقبلو معكم اختكم في الله ام رحمه .حبيت نطرح عليكم مشكله وتساعدني فيها .انا ابني السنه الرابعه ممتاز لدرجه كبيرة ماشاء الله والمشكل انه مايقراش واحدو لا لازم انا اللي نقولو روح تحفظ وروح تراجع وبالسيف باه يروح .هل الذكورة كامل هكا؟ وثانيا هو 3 سنين وهو يقرا عند معلمهتو والسنه جاء قرار انو قسمو يفرقوه على اقسام اخرى المهم هو كي حطوه عند معلمه اخرى حاس بالتغيير اولا معلمتو الاولى عرفاتو ورباتو على يديها وعارفه طباعو.انا ابني بالرغم من انو ذكي وذائما يتحصل على المراتب الاولى بمعدل مايطيحش منو 9.50 ابدا .بالرغم من ذلك هو متهاون في تنظيم والمحافظه على الادوات والفوضى .المهم معلمتو الاولى فهمت عقليتو وكانت مساعدتني فيه تهتم ليه وتضربو وتسقسي عليه على عكس الجديده رقمها مابغاتش تعطيهولي وفهمتها مع باباه وقلتلها راه هكا وهكا راه مايقراش الا بالظ .ماهتمتش بيه خلاص وحاطاتو بالمكان الاخير كتب درسو كتب ماكتبش ماكتبش.وقاتلي انا علي نكتب الدرس ونخرج ماشي نربي .هل هذا دور المعلم؟من المفروض من عندي نص ومن عندها نص الاخر ولا لا؟انا ابني والله والله ماشاء الله عليه ذكي ويفهم قبل سنو وعلى بالو بكل شيئ وفهامتو قبل سنو هي اللي مخلياتو هكا .والرياضيات جامي قريتهالو بالعكس هو اللي يقريهالي .انا راني نشوف فيه راه يضعف عندها .انصحوني واش ندير؟؟؟؟؟؟؟؟؟واش رايكم بكل صراحه واجاوبوني

السلام عليكم اختي ام رحمة
ربي يبارك في وليدك و في تفوق دائم ان شاء الله

اختي ماراكيش غالطة نص من عندك و نص من عند المعلمة
و لكن كاين معلمات ربي يسامحهم و يصلح احوالهم يجو يبوانتو و خلاص المهم الشهرية

انا نصيحتي ليك ابحثي على المعلمة نتاعو و اذا قدرتي بدليه للقسم لي تقري فيه هي
و اذا ماقدرتيش ماعليك غير تشمري على ذرعيك هذا راه مستقبل وليدك
و اذا كرهلك القراية من ضرك قلي يالسلام
المهم حاولي تكوني النص تاعك و النص تاع المعلمة و اعمليلو تحفيزات
جيبي البرنامج تاعو و الكتب و كل قريه راه البرنامج تاعه ماشي صعيب
و كل مايحل تمرين و لا يحفظ اشريلو هدية تكون بسيطة يالوكان باطة قاتو راه يفرح
و يتفوق باذن الله

وش كنت حابة نقولو قالتو ليل وشجون
ربي يحفظو من كل سوء حبيبتي و بادري بتغييره من القسم
ربي يسهل حنونة
حياك الله اختي

ما تضنيش بلي المعلم او المعلمة اذا حطوا التلميذ في الاخير معناها راهم هاملينه
بالعكس
التلميذ اذا كان شاطر راح تبعدوا وتقرب الضعيف
وكيما كاين معلمين يحقروا كيما شرحت الاخت من قبل
كاين اولياء ربي يهديهم
يخلوا كلش على المعلم
وبصراحة يد واحدة ما تصفقش

معناها لازم من المدرسة ولا زم من الدار

وبالنسبة للهاتف والله انا مع المعلمة
لان كاين اولياء ما يقدروش وقت المعلم
يعني في اي وقت يعيطولو بالهاتف
مايقولوا قايلة رايح يتغدى ، ولا ليل حاب يريح

يعني مانحطوش اللوم عليه وحده

وشيء ثاني
عالاه ماتروحيلهاش انت تتفاهمي معاها خير
ماشي كيما تكون مراة لمراة احسن

وربي يحفظلك ولدك
وتشوفيه ناجح دايما
ويبعد عليه تفنيين ^^

السلام عليكم اختي ……ان تقول لك المعلمة انا اقدم الدرس ولا اربي انا في ظني عيب هذا الكلام
اختي انا عندي مبدا اني اغرس فيهم حب المعلمة وحب بعضهم حتى اني اقول لهم كل واحد مسؤول عن زميله ضد اي اعتداء سواء كان في الساحة او خارج المدرسة وصدقيني له مفعول كبير
عندي الجزاء طبعا من جيبي لان المدرسة لا توفر ذلك وعندي العقاب بارادته وعليه ان يكون مقتنعا بالخطا الذي ارتكبه
اما متابعة الدروس فحدثي ولا حرج .
تريثي اولا وكوني متابعة لابنك واذا لم يعجبك الامر غيري القسم
نشكركم خواتاتي وحبيت نقولكم والله غير بدلتو اليوم قرا عند معلمه ثانيه والحمد لله وراني متكله على ربي حبيت نسقسيكم ماذا بيا كاشما واحده عندها فيكم امتحانات للرابعه تذير فيا اكبر بليزير راني محتاجتهم بالبزاف
اسفة حبيبتي انا ادرس الخامسة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.