الزواج من دركي 2024.

الله يخليكم
شحال تقعد لونكات باش يقبلو
و لي مزوجة ولا راهي ماشية تزوج من دركي تحكيلي كيفاه تصرا
ربي يعطيكم كل ما تتمناو

ان شاء الله يفيدوك الأخوات لي يعرفو

عندى وحدة فاميلتى مزوجة بدركى نسالها ونردلك بلخبر

بصح هي ماتحبش الدرك سوفرات كل عام رحلة والبعد هلكها ما عاشتش حياتها كما لازم جامي حظرت للعرس او الموت غير تسمع فلان عرس فلان توفي وفي العام تروح مرة مدة العطلة غير 20 يوم وانت وزهرك لوكان طيحي في تمنراست ولا تندوف ثما تزاقا غير لبكا وشوق للاهل

وكامل قشها تكسر من رحلة مسكينة تسخف تشري لحوايج لكن في نفس الوقت تندم

ننصحك اختى حاولي تستفيدى واش كتبتلك علي قريبتى

الدنيا هاكدا واحد يموت واحد يتزوج وهي ماشية وربي سبحانه امرنا انه المراة تبقى مع زوجها بالحلو والمر واش راح دير تخرب دارها وتنكد على عمرها بسبب الاعراس ووو
انا نشوفها عادي الي مات ربي يرحمه والي تزوج ربي يهنيه
وقت الحزن يفوت ويمكن تدي اجر بصبرها ووقوفها مع زوجها لان الزوج كذلك ماهوش راضي بهاديك الحياة ولكن خدمة الوطن واجب وربي يوفقهم ويهنيهم يارب
على حسب اظن ما طولش خاصة انه دركي والدرك هم الي يعمله لونكات انا شفت بنت عمتي ماطولولهاش خلاص وربي يهنيك ويكونلك الزوج الصالح ان شاء الله

تقعد شهرين أو 3 ثلات أشهر

واش هي لي كيفاه تصرا لونكات انتاعك بعد القبول ولا واش ؟

سلام.أختي حبيت نفيدك لأني خطيبي دركي .لونكات جاتني بعد 2شهرين حسب البلاصة لخدام فيها وعقد بعد6 شهور .تما أن زوجي دركي يستلزم أني نكون معه وين يخدم مع العلم أنو في لونكات يعطوك ورقة فبها تصريح بأنك تكوني مع زوجك أينما كان وتمضي عليها .إضافة أخرى أحسن حاجة ان تكون الزوجة مع زوجها . صح البعد ماهوش مليح لكن مع الوقت توالفي
مثلا أنا من تبسة وزوجي من سيدي بلعباس ماعندي حتى اشكال من جهة البعد.
ربي يكمل ليك بالخير.
الزوجة اللي ماتكونش مع زوجها وين ماكان ماكان لاش تتزوج معاه.ماتسمعي كلام حد توكلي على ربي الدنيا فيا الحلو والمر.
اختى لونكات طول على حسب واين يخدم راجلك
ما كان لاه تخمي في البعد على الدار هذا هو المكتوب و درك توالفي
ربي يكملك و يكمل لكامل لبنات

7 أفكار عن “الزواج من دركي 2024.”

  1. لي تعرف تجاوبني بليييز تقدملي دركي للخطوبة وسمعت بلي يديرو عليك لونكات في كلش حتى الامور العاطفية هل هدا صحيح

  2. انا ناويني جندارم وخايفه ميقبلوليش لونكات لرجلها دركي تقولي اسكو يسقسو عليها فحومتها ولا لا مع انو صافيه مي نخاف كن يسقسو يقولوا مهيش مليحه ناس ليكرهونا

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.