الحريرة المغربية من مطبخي 2024.

اليوم حبيت نحط ليكم الحريرة المغربية من كوزينة جزائرية نتمنى تعجبكم
ونخليكم مع الصور والشرح
ناخد بصلة محكوكة- طماطم مطحونة-قزبور ومعدنوس مقطع رقيق-كرافس مقطع رقيق-حمص مفسوخ-والعدس-الدجاج او اللحم
في كوكوط حطيت الدجاج +البصل+2جمبو+الزيت+السمن+ سكنجبير+حرور+زعفران وخليت يتقلى

وهنا ضفت طماطم والكرافس والمعدنوس مع القزبوروالحمص والعدس وضفت القياس ديال الماء وسديت الكوكوط وخليتها تطيب

ولما يطيب الحمص نحيت الدجاج ولا درتي اللحم طراف صغار خليه نضيف الشوربة انا نستعمل زريعة+2ملاعق طماطم كونستري ونخليها تزيد طيب منبعد نحل فرينة بالماء ونعقد بيها
الحريرة ونضيف 2حبات بيض ونخليها تزيد طيب ربع ساعة

وهاهي الحريرة وجدت انا فتت فيها دجاج
نتمنى تعجبكم حريرة مغربية من كوزينة جزائرية

في المغرب تقدم طيلة شهر رمضان الكريم ويقدم معها التمر والشباكية

شهية طيبة

تشهي ومنظرها هايل يعطيك الف عافية يا احلى لؤلؤة البحر

مرسي يالزين على طلتك
ربي يخليك

ربي يخليك يالحبيبة ولهلا يخطيك على
وانت لي هايلة شكرا

تشهي
بصحتكم وتسلم الايادي

امممممممم
شعال نحب الحريرة المغربية
فكرتيني بجداتي ربي يحفظها

روووووووووووعة الله يبارك

الله يبارك لؤلؤة ولكن اول مرة نشوف الحر يرة يديروا فيها البيض لازم ان شاء
نجربها يعطيك الصحة حبيبتي ديما مميزة

ماشاء الله يا لؤلؤتي
الله يبارك عليك
لوكان غير جيت قدامك ندوق شويا
تأمني توحمت على الحريرة في حملي
و كنت نديرها و متعجبنيش
حتى سمعت بيا يمات حبيبتي
ولات ديرهالي مرة على مرة و ترسلهالي
قاتلي المتوحمة تحب كي جيها الماكلة على غفلة ماشي كي ديرها هي
يعطيك ما تتمناي و ربي ينجحلك ولادك