التلقيح ضد الانفلونزا vaccination antigrippale 2024.

السلام عليكم و رحمة الله

خياتي هذا موسم التلقيح ضد الانفلونزا انصحكن به
الجيريا
طبعا يفضل عند اصحاب المناعة الضعيفة كالكبار سنا النساء الحوامل و اصحاب الامراض المزمنة خاصة الامراض الصدرية
التلقح ضد الانفلونزا مش معناه اننا لن نصاب بها لكن وقاية من مخلفاتها كالتمهيد للعدوى البكتيرية
و هو غير معني بالزكام rhume
عملنا حملة للتلقيح في المستشفيات لكن للاسف العدد كان محدود جدا
و نقطة مهمة قبل التلقيح ما تكوني مريضة بالتهاب او حمى و ما يكون عندك حساسية لبروتينات الدجاج و البيض طبعا

الجيريا

اي استفسار ان في الخدمة

ممكن توضحي اكثرا

مثلا لكل الاعمار او للكبار فقط

لان ابنى عندو الحساسية من البرد ودايما يعطس كل ما يبرد الحال او غير ثيابه

ويبلغ من العمر 22 عام

بالنسبة ليا عندى الربو لكن لما انتقلت من ولاية تيبازة واليوم رانى في قسنطينة

منيش نمرض بزاف كما الاول

وفي حالة نتعب شوي يوجعنى صدري ومنقدرش نتنفس

كما اعلمك اختى الدكتورة لما درت قياس التنفس قالي طبيب مكيش مريضة بربو

لكن في حالة التعب نعود منقدرش نتفس وننهج بزاف

ومنحملش السخانة ومنحملش البرد

خصنى جو معتدل هههههههههههه

شكرا اختى الدكتورة على المعلومات المفيدة

ربي يعافيكم ويعافينا

شكرا عادة نديرهاااا وتساعدني بزااف
مليح كي خبرتيني
مشكورة دكتورة على المعلومات..مع أني كنت متخوفة منها …
قالوا كي يداوم عليها الإنسان…يعود معندوش مناعة؟؟؟؟؟
اهلا اخياتي

نبدا ب بدر البدور هادي اشاعة خاطئة انو تنقص المناعة لانو اللقاح يتغير من فترة لاخرى حسب المنظمات العالمية طبعا و كاين عدة انواع من الفيروسات اللقاح ما يشملهاش كلها لذلك تلقاي الواحد عمل تلقيح و مرض لانو الانواع اللي الموضوعة في اللقاح هي الخطيرة اللي تاثر في جسم الانسان اكثر من الانواع لاخرى و من كانت لديه مناعة ضعيفة كالمرضى المزمنين مثلا…
دام محمد امين انتم الاولى بها كيما سبق و شرحت و من لديه امراض صدرية الانفلونزا تضرو اكثر من غيرو و كما نعرف انو تبدا اعاض فيروسية ثم تتحول الى بكتيرية لانها خدمت لها الطريق و سهلت لها العدوى
و السن فوق سنة يقدر يدير التلقيح
و التلقيح لازم يكون و الشخص غير مريض طبعا و يبدا يعمل بعد 15 يوم و يدوم 6 اشهر لدلك هدا افضل وقت له

الله يحفظك دكتورة على التوضيح
تسلمي
بارك الله فيك .
شكرا لك اختي

اكيد فيها فائدة ليكم طبعاا انا جدتي دارت تلقيح و ريحت
عافانا الله و اياكم

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.