السلام عليكن حبيباتي .توحشتكم و توحشت القعدة معاكم .
عندي طلب منكن حنوناتي و لي عندها معلومة لا تبخل عليا .
معندي اية فكرة للاسف .
حبيت نسولك لي عندها خبرة مع قوالب السيليكون ( كل الاحجام و الانواع )اية معلومة تخصهم تفيدونا بيها و جزاكن الله خيرا .
و حبيت نسال لعندها وصفة نتاع هاذ الحلويات راهي عجبتني بزااااااف و شريت المول نتاعها و راهوا قبالي قاعد
في امان الله .
القوالب ممتازة طبعا اذا كانت مش صينية وسعرها رخيص يعني اذا شارية نوعية مليحة اخدمي وقلبك هاني
وكاين الي يتباعو في النصبات على برا هادوك مش ملاح وفيهم ريحة تخافي يكونو مصنوعين من شي مش مليح
المهم
طريقة الاستعمال عادية جدا متل الصواني ونهار تحطي كيك حطيها في صنية باش تفرغي الخليط باش ماتتفرغلكش هو اذا نوعية مليحة ماتخافيش تتفرغ مي معليش احتياط واجب
اليوم حضرت لكم حلوى الشوكولا المحشية
حلوى ساهلة و بسيطة
لا أكثر الكلام
سؤوريكم الصورة و بعد ذلك تفاصيل التحضير
هاهي الصورة
و هاهي صورة المقادير واظحة
التحضير
اولا علبة النيسلي تنزعي لها الورقة الخارجية و تضعيها
في قدر مضغوط ( الكوكوط) مع كمية كبيرة من الماء
مدة ساعة و ربع تقريبا على نار متوسطة
اتركيها في مائها و عندما تدفأ إنزعيها من الماء
و ضعيها في الثلاجة حتى تبرد
و بعد ذلك إفتحيها
تتحصلي على هذا الشكل و هذا اللون
نجهز مول السيليكون و هناك العديد من الأشكال
ندهنه بالزيت من الداخل بواسطة فرشاة صغيرة لا نكثر الزيت
نضعه جانبا
نذيب علبيتين من الشوكولا امباسادور نوار من الأحسن
نذيبها في حمام ماري حتى تذوب تماما
ننزعها من النار و نضعها جانبا
ادهني مول السيليكون بالشوكولا حتى تتغطى حوافه تماما
انتبهي لايجب ان تتركي فراغات
ضعي داخل كل واحدة مقدار ملعقة الشاي من كريمة النيستلي التي جهزناها سابقا
ضعي داخل كل واحدة حبات من الكاوكاو المحمص
افرغي داخل كل واحدة بالملعقة مقدار من الشوكولا
و سوي السطح
امسحي بممسحة ورقية الزوائد التي تخرج على الجواني
مهم جدا ان يكون السطح مستوي لا يكون مرتفع
نضعها في الهواء تنشف
ملاحظة لا ندخلها الى الثلاجة
و عندما تنشف تماما ربما بعد ساعة او أكثر
انزعيها من مول السيليكون
و رشيها بالحبيبات الذهبية البراقة
و تتحصلي على هذا الشكل
اترككنّ مع الصور
و هذه من الداخل
ملاحظة
بإمكانك أن تضيفي الحشوة حلوة الترك حسب الرغبة
أنا ثاني عندي مثلهم
درت فيهم من عجينة المادلان
و من عجينة المسكوتشو ….
شكلهم رائع
تسلمي حنان على الوصفة
حبيت نسولك اذا عمرتيهم كامل من عجينة نتاع المادلان و الموسكوتشوا ولا عمرتي غير النص انا خرجلي الخليط من المول و مجانيش مسطح كيما حبيتوا يكون .
اخبريني عن طريقتك من فضلك
سوف ترين تطبيقي عن قريب باذن الله .
شكرا …
شكرا حنونتي ام اسماء عالمرور الطيب و العطر .