اريد انقاص وزني . ساعدوني 2024.

الجيريا الجيريامساء الخير عليكم وصح رمضانكم

حابة نقص وزني وسمعت بلي التاي يساعد في انقاص الوزن ربي اهنيكم الي عندها معلومة كيفاش طريقة تاع الشرب تاعو والاوقات تاعو وكتاه .
وربي يجازيكم

السلام عليكم

اهلا زهرة

اولا لازم تحسبي طولك مع وزنك باش تعرفي اذا وزنك طبيعي او بزيادة و هو على هاذ الرابط

IMC femme

لاتاي كاين منو ينقص الوزن لانه حارق للدهون و يتناول بعد الاكل مباشرة لكن هو يمنع امتصاص الحديد و كثرته تؤدي الى الانيميا انتبهي اختي

الشاي الاحمر مع الليمون "ليبتون" ايضا يساعد في انقاص الوزن
و ما تحرمي نفسك من الأكل و كذا لكن اشربي الماء قبل الاكل بنصف ساعة و كلي كميات محدودة من الغداء و العشاء خففي بسلطة فاكهة ياوورت…

و ابدا ما تتناولي الوجبات الخفيفة بين الاكلات
و الحلويات قد ما تقدري نقصي خصوصا جاي العيد كلي بحساب

و اذا كنتي من ممارسين الرياضة فهذا افضل

هذي تجارب شخصية و الحمد لله راني في الوزن المثالي
بالعقل و ما تجهديش نفسك و ما تبحثيش في كل مكان عن وسائل النحافة لانو تعيشي في ضغط كبير

و السلام عليكم

ربي يجازيك يالغالية
حتى انا راني نعاني كيما انت ربي يفرج علينا برك
شوفي اختي صح الشاي ينقص
وانا ننصحك بواحد الشاي لانقاص الوزن اسمهbio3يباع في الصيدليات
وسمعت بواحد التيزانة قالونتائجها روعة اسمها
المنحفة السريعة
المنحفة السريعة يوجد بها عشبة السنامكي و هي تسبب الاسهال مما ؤدي الى نقص السوائل بالجسم
يولي يبان باللي فقدتي الوزن لكن في الحقيقة تفقدي الماء من الجسم
حذاااااااااري من السنامكي لانها سامة و كل الاعشاب اللي تسبب الاسهال
أختي عشبة الحلفة مليحة تنقص الوزن تشربيها 2 مرات في اليوم تشوفي النتيجة
انا سمعت عشبة اكليل الجبل تنقص
نعطيك وصفة حاليا راني نجرب فيها والله روعة
غلي كاس ماء حطي فيه مغرف صغيرة تاع الكمون و حبة قارص مقطعة و خليهم اتشمخو ليلة كاملة
الصباح ع الريق اشربيه
صافي كاس صباح او كاس في المساء وكثري رياضة المشي
شوفي سمانة الاولى تحسي روحك خفيفة اوتبعي الرجيم يعني نورمال نقصي برك
ديريها مدة ربعين يوم اوشوفي
السلام عليكم ورحمة الله انا ماما تبع الريجيم تشرب الشاي مع الزنجبيل والنعناع تغليهم وتشربهم كل صباح على الريق هدا يساعد على انقاص البطن وادا حابة تنقصي اشربي الكركم غلي الماء وضعي داخله الكركم وشربيه قبل النوم فهو يساعد في انقاص الوزن ماما كانت توزن 96وضرك 80 كلغ عندها ثلاثة اشهر والحمد لله مازال تشرب فيه

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.