مرة اخرى جيت نجري ليكم 
دبرو روسكم فيا ياك حنا خيات بسيف عليكم تساعدوني
كيما قلت فالعنوان انا في حياتي ما خرجتش برا الجزائر وهاذ العام راني رايحة لـ سان مارينو المعلومة الوحيدة لي علابالي بيها هي انها بلد بوحدو كنت نظن انها تابعة لايطاليا؟
لاعلينا الذهاب فالاصل انو لاجل العلاج وحبيت نضرب عصفورين بحجر نروح سياحة لايطاليا وفرنسا والمانيا اذا كتب ربي
وحبيتكم تعاونوني لانو ماعنديش ادنى خبرة
مثلا وش لازم نجهز فالحقيبة واش ندي وواش مانديش محبيتش نعمر الدنيا بالقش لانو انا مين نروح لعجوزتي برك ثلاث ايام ندي معاية الخزانة كامل والماعن ولي بارفان وشومبوان والماسك وابري شومبوان ولي كرااااااااااااااااااااااااااااااام………..
وش الحوايج المهمة فقط لي لازم نديها
واذا وحدة رايحة من قبل لهاذ البلدان تعطيني فكرة عليهم حبيت ندي من عندكم ما حبيتش نروح للعم قوقل حبيت تشاركوني تجاربكم ساعدوني بليييييييييز
هيا نورهان1 اماني ايوب ايمان مينا ام عبد الرحمن كامل لبنات راني نستنى
واماني ايوب حبيت نرسلك رسالة على الخاص ما قدرتش معلاباليش علاش
ان شاء الله تروحي بخير و تجي بخير
و ربي يشفيك و يشفي جميع المؤمنين و المؤمنات
المهم انا مسافرتش لكن اخواتي سافرو نعطيك تجاربهم
الحقيبة لازم تدي الحوايج لي تلبسيهم على حساب المدة لي راح تقعديها مثلا تبدلي كل 2 او 3 ايام اي حوالي 4 تبديلات فقط لانو عندك ميزان خاص مع الشركة لي تروحي معاها اذا مع الخطوط الجوية الجزائرية عندك 30 كيلو يعني اذا ديتي غير حوايج متقدريش تشري حاجات من تما لانو كل كيلو زيادة راح تخلصي عليه بالاورو باش جيبيه
فيما يخص المكياج و لكراام ووووو متديش ادي غير واش تستعملي حاجة خفيفة و استغناي على الزيادة ان شاء الله كي تولي لدارك و ديريهم هههههههه مراحش يهربو
الشمبوان و الجالدوش يمدولك فالفندق كل يوم يحطو قارورات صغيرة جديدة ممكن تستعمليها
فيما يخص فرنسا بلد كبييييييييييير و ماشاء الله جميل جدا اذا رحتي طبعا زوري الاماكن المعروفة و الشراء كاين ليسوبيرات و ان شاء الله دوك يزيدو يفيدوك المغتربات
المهم انا قتلك واش نعرف و دوك يجو الاخوات يزيدو يفيدوك ان شاء الله
اولا دي معاك حجاباتك والخمارات هما الصح
راكي تروحي سياحة لفرنسا عندنا هههههه تشري الاحذية والحقائب
اليد منا والالبسة كذلك.
يعني كي جي من بلاد ارواحي فارغة تحبطي معمرة.
في الفندق تلقاي كلش في الغرفة فوط الحمام شمبوان جال دوش.
اذا كنت تلبسي حجاب سروال وليكات جيبي تبدلتين فقط لانه تزيدي تشري.
وعندك الحق 30كيلو اذكان لبي تذكرة ماهيش بروموسيو promo
وعشرة كيلوا طلعيها معاك في طيارة راني نتكلم الذهاب مت فرنسا لبلاد.
ان شاء الله افدتك.
ربي يشفيك و جميع المسلمين
معلومتك على الدولة كانت شبه صحيحة هي تقع في شبه الجزيرة الايطالية
رحت ليها ليها قبل عامين زوجي كان عندو خدمة فماك لمدة شهر
متديش بزاف معاك باسكو راكي رايحة ترجعي معمرة
ادي برك لبسة قدما تقعدي و الميك اب متديش بزاف
فرنسا و ايطاليا و المانيا بلدان رائعة كاين بزاف اماكن تستحق تشوفيهم
حساب راني نشوف راكي رايحة طولي ؟؟؟
و تروحي و ترجعي بالسلامة
متكثريش من الحمولة
و تدي معاك كتاب دليل للاماكن ختى يسهل عليك التحواس
و بصحتكم
اما على الخبرة في السفر اسفة ما نجمش نفيدك انا غير الاماكن اللي في بلادي و مازال ما كملتهمش حتى نكمل دزاير كومبلي و من تمى نخمم نخرج سياحة للخارج ههههههههههههههههه ربي يوفقك في هاد السفرة
انا موالفة نسافر بالسيارة
نعمر لامان والبورت باقاج وننطلق
تروحي وتجي بالسلامة