انا عندي 3 سنين زواج و عندي طفلة واحدة عمرها عامين بالتمام عندي رغبة كبييرة باش نزيد الاولاد بصح الحاجة لي محبستني اني نسكن في ولاية اخرى يعني بعيدة على اهلي و موالين راجلي ما يسحقونيش و ما يعاونونيش لاسباب ليس مجالها هنا
ثانيا زوجي ربي يشفيه عندو انزلاق غضروفي حاااد مايقدر يهز حتى حاجة و داير عملية و الجراح منع عليه يهز اي شيء حتى بنتو ما يقدرش يهزهاو الحمد لالله
ثالثا انا زيدت قيصرية و صرا فيا العجب و الطبيب نصحني مانزيدش حتى 3 سنوات باش يكون عندي امل نولد طبيعي بدون الخوف من تمزق الرحم لا قدر الله.
درك انا نزيد الاولاد ما عندي شكون لي يرفد معايا يا ربي حتى للطبيب اذا استدعت الضرورة و تفاهمنا انا و زوجي انو نزيدو عام و من بعد نحمل مرة ثانية باذن الله
انا ناكل الحبوب هاذو عامين لاني ما رضعتش بنتي ماعنديش حليب كامل
انا حكيتلكم كل الحيثيات ووصلت للمهم
انا خايفة بزاف من la pilule تؤثر على القدرة الانجابية تاعي سورتو ناكلها 3 سنين مورا بعضهم
لي كلات الحبوب و دارولها حاجة و لا مادارولهاش ياريت تحكيلي على تجربتها يرتاح قلبي و ندعيلكم دعوة الخير نهار لي حبستو لابيلول شحال و رفدتو بالحمل و ربي يحفظ كل من تولي موضوعي الاهتمام لامي فعلا مقلقة
انا زوجة اخي شربتها 12سنة وحملت عادي من وراها ربي يرزقك اختي العزيزة
نتمنى يفيدوك و لاداعي للخوف اختي ربي يرزقك و تربي و تكبري و ربي يهنيك
لكن انا واحدة مقدرتش نتقبل فكرة الحبوب رغم ان زوجي كان ممانع ومبعد وافق للضرورة القصوى وتقريبا ظروفك كانت نفس ظروفك سبحان الله لكن انا ضرك الي مش قادرة ناكلهم خايفة من كل شيء مش غير الحمل خاصة الاعصاب والسمنة وغيرها مال ننصحك بالستيغيلي أو اللولب وقيل أرحم من الدواء مهما كان إذا لقيتي طبيبة شاطرة فيه .ونعرف نساء بيه ولاباس بيهم وكي نحاوه جابوا عادي .
رب يشفيلك زوجك وحبيت نسقسيك إذا حالتو حسب الطبيب تبقى هك يعني رغم انو دا العملية ميقدرش يهز ويخدم …والا فترة برك ويرجع نورمال
رب يرزقك من نعيمو
ربي يكون في عونك اختي نحكي لك مالا انا راني في غربة وبعيدة على اهلي واهل زوجي وولادتي الاول كانت قيصرية ووالان بنتي في عمرها 3 سنوات وعندي اسبوع من لي ولدت كذلك قيصري الله المستعان وهذا قضاء الله الحمد لله وسبب القيصري كان مختلف عن المرة الاولى
وعندي صديقة حملت بعد عام ونصف من عملية قيصرية وولدت طبيعي يعني هذه الامور كاااامل تبقى نسبية الله اعلم واش راح يكون
عن الحبوب انا شربت microvale لكن راهم ضعاااااف لاني كنت نرضع وحملت بعدهم عادي لكن لي يكونو قويين ياثرو على الوزن والاعصاب ويسببو الام في الراس من الاحسن تتبعي طرق طبيعية " العزل والحساب ………… " وغيرها من الطرق الامنة البعيدة عن الكميائي
ربي يفرج عليك وعلى جميع المومنين وتذكري دايما قول الله تعالى " نحن نرزقكم واياهم …."
ثانيا فيم يخص راجلي دار العملية و لما نحاولو جزء الغضروف لي خرج من بلاصتو و سبب الام في عصب الرجل درك ولى عندو تشنج شديد من ابسط حركة فمابالك يهز و هكذا نقولوا الحمد لالله على النعمة لانو قبل مايدير العملية ما يقدرش ينوض من الفراش و الام رهيبة ….ايييه يا لحنينة واش نحكيلك
الحمد لالله على كل حال هكذا و لا اكثر
درك انا ناكل mivroginon 30
جبت البنت اولى وشربتو 5 سنين حتى لي دخلتها ليكول ومن بعد حبستو باش نرفد وقعدت 6 اشهر ورفدت لكن اجهضت كان بسبب تعب موت شيخي وشربت الدواء والحبوب 6 اشهر ورفدت ببنتي التانية وحتى هي شربتو هاد المرة 4 سنين وجبت ولدي عندو داب 12 عام وانا نشرب فيه والحمد لله ماعملي والو شربت عدة ماركات منها لان marvilon
كي كنت نرضع نشرب microvale