كيفاه نوجدوا جهاز العروس

السلام عليكم و رحمة الله تعالى و بركاته

أخواتي العرائس

في فترة قبل العرس تكون مرحلة الجهاز و اللي يقولولو تروسو المهم القش اللي تديه العروس معها

و المصاريف كثيرة و كلش غالي لهذا لازم وحدة تعرف تتصرف المال و عندها خبرة سواءا من اللي كبار عليها او او او ….

المهم كيفاه راكم توجدوا لقشكم ؟؟؟ تبداو بالحوايج الصغار او الحوايج بالكبار

نفارسيو على اكثر من حاجة في نفس الوقت
او بالحاجة و لما نخلصها نشوف حاجة اخرى

بالنسبة ليا
كل مبلغ يكون عندي باش نشري نحاول نخرج مبلغ صدقة و لكن احيانا ننسى

انتظر مشاركتكم

و ياريت تشاركوا و كل وحدة تعتبرها نصيحة
و صدقة على اعضاء المنتدى

السلام عليكم
اختي انا راني بادية بالحوايج الخفاف كيما اللبسة وكي نكمل نروح نشري القش الكبير كيما الشورة ……
اما بالنسبة كي تجي تشري نورمالمو تكملي حاجة ومبعد ترجعي تفيرسي على حاجة اخرى
لي عودة ونحطلكم بعض من جهازي
السلام عليكم
أنا بديت بالحوايج الخفاف بالاضافة للذهب
و كي شفت الحالة قربت بديت نشري الحوايج لخرين
و راني دايرة ليستا كل مانشري حاجة نكتب باه منظلش نحط راني ننسى ههه
السلام عليكم
الف مبروك اختي
انا ماشي متزوجة مي دخلت باش نفيدك بواش نعرف
شوفي شري كناش و ماركي فيه قاع واش راه في راسك و واش قالولك عليه وووو"

_ركزي على قش الدار البيجامات و قنادر و لي نويزات ،ّألبسة النوم و الملابس الداخلية
_و الكوسميتيك شري شومبوان و ابري شمبوان و جل دوش من ماركة شابة مثل nivia و لي برفان و ديو دورون هادو تاني نوعي و كثري هادو المهمين
اما الفراش الي غادي تسكن في دار العايلة الفراش لي تديره قاع ما تستغلهش حتا يديمودا و هو ملموم
هادى واش نعرف ان شاء الله الاخوات يفيدوك

ديري لاليست اكتبي فيها واش تسحقي كامل وشحال تسحقي وكي تشري حاجة فاصيها و بداي بالحوايج اللي ما يديموداوش و مايخسروش كيما الدراوات و السرابت والذهب و فالاخير اللبسة و الماكياج وربي يسهلك و يباركاك

السلام عليكم
شوفي ختي حنا نبداو بالالبسة البيجامات و الروبات و البلايغ و البونتوفات يعني
نديرو بيجامات الصيف مع بلايغهم و امبعد ندورو لبيجامات الشتاء مع البونتوفات
امبعد الملابس الداخلية ( 2 pièces ) و الفيزوات و حاجات خفاف
امبعد كي تكملي هادو تدوري للصبابط حشاك و حوايج الخرجة و الذهب
و امبعد الفراش و كل مرة اشري حاجة (دراوات…كوات …كوفرولي…شورة شابة)
و فالاخير الكوسمتيك لانو كاين حاجات يفسدو بلخف
و الف مبروك لك ربي يكملك فالخير

السلام عليكم ورحمة الله وبركاته
شوفي انا لحد الان حايرة بزاف ومش لاقية روحي مليح
بديت بمطارح الصوف حنا في عاداتنا نديو 4
زدت كومنديت على صالون ماروكا باش يخيطوهولي
الذهب كنت من قبل ندير دورك حابة نزيد سنسلة طويلة ومسايس منعرف نقدر ولا لا
المهم راح نحاول نكمل الفراش اولا ليكوفرلي دروات الزور الكوات زارابا والمخايد حبيت نتهنى منهم كامل
ومبعد نبدا على لبسة الداروالخرجة والتصديرة
اما الملابس الداخلية والبيجامات كل منخرج نخطف شوية
ربي يكون معانا ويسهلنا ويعمر قلوبنا بالقناعة والرضا
آمين ياارب

انا بديت بحوايج الشتا والبنتوفات ومبعدا حوايج الصيف وبلايغهم الملابس الداخلية ونويزات كملتهم كامل باش درت للقش الخشين والشورة وحوايج الخرجة والكوسميتيك والتصديرة حتى الاخر كامل
وبتوفيق حنونة

بدي بالحاجات الصغار والقش الحافات يشدوا
ثم الدهب ثم الملابس
الله يسهلك راهم افادوك الاخوات
و الله يا البنات ….ربي يكون في العون …
مع غلاء الاسعار….غير بلعقل و أبداو بالظرورات قبل الكمليات
ربي يهنيكن أجمعين و يسعدكن

1 أفكار بشأن “كيفاه نوجدوا جهاز العروس”

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.