ثالث وصفة لنا هي الطبق الشهير الكسكس او الطعام عند بعض المناطق
وفيه تتفنن كل سيدة جزائرية.
لا تغادري قبل ان تضعي وصفتك 
وشكرااا مسبقاا
طريقتي
الكسكس عندنا في العائلة انواع
1-الكسكس بالمرق الابيض خاص بالمناسبات كالاعياد وغيره
في قدر نضع زيت او سمن احسن +بصل +ملح +فلفل اسود + الدجاج او اللحم يقلى الكل ثم نمرق بماء ساخن ولما يغلي الكل نضيف الحمص المرنخ (المشمخ).
لما يطهى اللحم ننزعه من القدر و نضع الخضر (بطاطا +جريوات+خردل او اللفت مقطعين بالطول)
وتترك الخضر لتطهى و يعقد المرق قليلا نضيف فلفل حار للبنة يغلي قليلا ثم ينزع.
على نفس القدر نطهى الكسكس في الكسكاس حتى ياخد من بنة المرق
(الكسكس يفرد في قصعة نرشه بالماء و نفوره تفويره1
ثم نرى ان كان يلزمه الماء مرة ثانية والا لا ونفوره مرة2 مع اضافة الملح له
ثم نضيف له كمية قليلة من الزيت ويفور مرة 3
وهنا ننتهي نضعه في قصعة ونحلوه بيدينا ونضيف له قطعة زبدة (اوسمن) وهو ساخن حتى تدوب فيه وتضييف له نكهة ونحركه جيدا حتى لا تلصق اي حبة مع اخرى.
يسقى بالمرق الدي خثر و يزين بالحمص والخضر التي سبق طبخها.
2-كسكس بمرق احمر للايام الاخرى
في قدر نضع زيت او سمن احسن +بصل +ملح +فلفل اسود +توابل+ الدجاج او اللحم او العصبانة+كابويا مبروشة وجزر مبروش+طماطم مصبرة يمكنك اضافة الهريسة لمحبي الحار.
يقلى الكل ثم نمرق بماء ساخن ولما يغلي الكل نضيف الحمص المرنخ (المشمخ).
لما يطهى اللحم ننزعه من القدر و نضع الخضر (بطاطا +جريوات+جزروكابويا مقطعين بالطول )
وتترك الخضر لتطهى و يعقد المرق قليلا نضيف فلفل حار للبنة يغلي قليلا ثم ينزع.
على نفس القدر نطهى الكسكس في الكسكاس حتى ياخد من بنة المرق
(الكسكس يفرد في قصعة نرشه بالماء و نفوره تفويره1
ثم نرى ان كان يلزمه الماء مرة ثانية والا لا ونفوره مرة2 مع اضافة الملح له
ثم نضيف له كمية قليلة من الزيت ويفور مرة 3
وهنا ننتهي نضعه في قصعة ونحلوه بيدينا ونضيف له قطعة زبدة (اوسمن) وهو ساخن حتى تدوب فيه وتضييف له نكهة ونحركه جيدا حتى لا تلصق اي حبة مع اخرى.
يسقى بالمرق الدي خثر و يزين بالحمص والخضر التي سبق طبخها.
3-كسكس بالزبيب و اللبن (خاصة في سحور رمضان)
و4-كسكس بالحليب والبصل.
لي عودة لطريقة طهي بقية الانواع
أحنا فالصيف نديروه مسفوف بالزبيب و الرايب
أما فالشتاء فنديروه بالزبيب و مرقة بيضاء اللي نعملوها كيما هكدا:
قطع من الدجاج + 2 بصلات+ زيت و زبدة + 2 حبات من كل من( لفت،زرودية و كورجات)+ فلفل أسود و ملح + عود قرفة+ كمشة حميصة منفخة
احيانا يجيني معجن زاحيانا اخرى يجيني يابس
وزوجي يلاحظ بزاف
ارجوكم فهموني طريقة رش كيفاش تكون
كي نكثر ماء في ؤشة اولى يجي معجن وكي نقلل يجي يابس
حطي المرق تاعك يطيب و من جهة أخرى و في قصعة حطي الكسكس ضفي له نصف كاس إذا كان لواحد كيلو كسكس و أخدميه لا تضغطي عليه غير بالشوية و خليه ينشف شوية وعاودي ضيفي بنصف فنجان و زيدي خليه ينشف و كرري العملية مع إراحته كل مرة
ماديري مبلول بزاف ولا ناشف بزاف و إعملي حساب أنه راح يزيد يطيب على البخار
من بعدد فوريه كي تبدأ تخرج البخار زيدي خمسة دقائق تقري
ومن ديري زبدة أو سمن
