ضرتي صديقتي 2024.

قالوا عن الزوجه الثانية الكثير واتهموها بأنها خطافة الرجالة ولذلك لقبوا الزوجة الثانية بالـ ضرة لما يأتي من ضرر لحق بالزوجة الأولى لوجود إمرأة اخرى في حياة زوجهآ .

ولكن المفاجاة اننا قد نتكشف ان العداء بين الزوجتين قد يتحول الى صداقة اذا تقبلت الزوجة الاولى الواقع ونجح الزوج في العدل بين الاثنتين او اذا وجدت الاثنتان انهما ضحيتان لرجل اناني .

صاحبات التجارب يؤكدن ان هذه الصداقة ممكنة بينما تعارضها حالات اخرى لانها مسالة قدرات خاصة جدا..بينما يرسم علماء الاجتماع والدين خريطة طريق للتصالح والتعايش وربما الحب بين الزوجات الاعداء …؟

ما رايك في هذا الكلام ؟وهل هذه الصداقة في نظرك ممكنة او مستحيلة ؟؟؟

ارجو تفاعلكم في الموضوع …تحياتي

[/align]

اممممممممممممممممم موضوع رووووووووعة
يا اختي
والله غير وحدة نعرفوها تزوج عليها راجلها قتلهم منشوفوش حتى نموت واولادو نايفووه
وضركا راهم يحكيو قالو ولاو كي السمنة على العسل كيما ايقولو كيروحو لكاش بلاصة يقعدو مسامي بعضاهم يحكيو وسيرتو الا كان عادل بيناتهم كيما قلتي
كل شيء ممكن على حسب المعاملة

مشي حاجة ساهلة هنا يدخل عامل الايمان بالله وبقضائه وقدره
عامل خوف الرجل من الله في العدل بين الزوجتين لانه بدون عدل سيلقى الله يوم القيامة اعوج او مائل الشق ولا حول ولا قوة الا بالله يعني كيما كان في الدنيا مايل غير لوحدة وناسي الثانية في بعض حقوقها

اما ادا كانت الزوجة الاولى راضية بان تسعد الثانية وتتقاسم معاها حياة زوجية مستقرة وكدلك الثانية لازم تقدر نفسية الاولى وتفهم العشرة الي دامت بين الزوجين وتتنازل على بعض الانانية في كسب الزوج غير ليها قد يولف الله بين القلوب فالامر يعود الى الثقة بالله
الله هو الغني وهو المؤنس وهو عز وجل الي بيده كل حياتنا وامورنا

[color=#993366]انا مثلا لوكان يفكر زوجي باش يرتبط بزوجة ثانية تكون مطلقة باولاد او ارملة باولاد حتى وتكون اصغر مني سنا نتقبل الامر ولكن زوجة قادرة تتزوج وظروفها عادية ارى الامر اصعب بكثير من الحالة الاولى والله اعلم

هدا رايي وننتظر اراءكن المهم ان الامور الغيبية والتي اقرها الشرع لا نخوض فيها باهوائنا ولكن بكلمة حق وايمان[/color]
[gdwl]بارك الله فيك حبيبتي ام فادي على الموضوع الحركي
الف سلام..[/gdwl].

شكرا ام فادي لطرحك هذا الموضوع نضن ان الرجل هو الي قادر يحسم الامر اولا لانه هو الي حط الزوجتين امام الامرالواقع
اما فما يخص الزوجات
تنجح الثانية في زيجتها اذا كانت الاولى تعلم من الاول رغم الصراعات و المشاكل لكن في الاخير ترضى في خاطر ولادها هذ المراة العاقلة
لكن معظم الزواج الثاني الي يجي عن طريق الخيانة مستحيل الاولى تشوف في الثانية و لا حتى زوجها
اقصد الخيانة صديقة بنت عم من الاقارب بنت الجيران و هناك حتى من الاخت صدقيني عندي صديقة تعمل في المحكمة لما تحكي تقشعر النفوس هاذو مستحيل يكونوصدقات
اما البقية ممكن نعم ممكن لا كاين الي تتقبل و كاين الي تنسحب و اظن الي تتقبل هي الفائزة في الدنيا و في الاخرة
في الدنيا تلم ولداتها وباش ما يضيعش و في الاخرة تنال جزاؤها عن الصبر و ان شاء الله نسال الله العفو و العافية
و بارك الله فيك

اشكرك على طرح هذا الموضوع الشائك
بطبيعة المرأة غيورة و أنانية في حب زوجها لوحدها
يعني من الصعب جدا تقبل الأمر و الصداقة مع من ترى أنها أخذت جزء و لو بسيط من مكانها في قلب زوجها
و هنا يدخل دور الزوج في أن يكون عادل و أن لا يظهر اهتمامه و ينحاز لواحدة دون الأخرى
يعني حكمة الرجل في التعامل مع زوجاته هو السبب الرئيسي في علاقة الزوجات بينهما
لكن لا يوجد مستحيل في هذه الدنيا
فهناك ضرات و في مجتمعنا و عايشين مليح و مكانش مشاكل بيناتهم
و في رأيي لتكون الصداقة بيناتهم يجب تفادي ذكر ما يحدث بين الزوج و بينها لأنه القاسم المشترك بينهما
تقبلي مروري

شكرا على الموضوع
شوفي المرأة بطبيعتها و تركيبتها ترفض تماما مشاركة زوجها مع امرأة اخرى لكن الشرع و الدين يعطي للرجل هاذا الحق و للاسف بزاف نساء يغلطو و يقولو كيما قلتي خطافة رجال و فيها و فيها لكن نساو بلي هي متزوجة بهاذا الرجل على سنة الله ورسوله و تفريقهما يهز عرش الرحمان يعني كفرو بالدين و بما انزل على محمد المرأة من حقها تستشار اما تقبل بالزوجة الثانية او ترفد حوايجها و تروح لكن ليس لها الحق بقول اي كلمة في حق المرأة الاخرى اوفي حق زوجها اللذي اراد الزواج هاذا حقه اما تقبل او ترفض انا شخصيا اذا تزوج زوجي ما نبقاش معاه دقيقة واحدة و هاذا حقي اني ارفض لكن مش من حقي نشتمها و نقول لعبت بيه او غواتو او خطافة او يجي نهار و يفيق او سحراتو لالا هاذ الراجل ماشي كبش تقولو هر يهر هاذا فكر من قبل ولازم يكون صاب فيها حاجات خلاتو يرتبط بيها عوض انو يبقى معاها في الحرام

و شفت ضراير في الاول كانت حرب بيناتهم و مع الوقت ولاو يد واحدة وةمتفاهمين على راسو ههههههههههه

الف شكر اخواتي ندى -ام حسني -زهرة القرنفل -ام ماريا الحلوة -هويدا بارك الله فيكم وفي اراءكم العادلة والمنصفة لشرع الله واكيد في الدنيا حالات كثيرة ومانقدروش نعمم على
كل الزيجات …زدتم الموضوع قيمة وفائدة الف شكر

موضوعك جميل ام فادي ولكن كل امراة والقدرات تاعها على التحمل
انا عندي بنت عمي هي اللي خطبت لزوجها وجا بتلو المراوكانت المعاملة بيناتهم جد حسنة ولدت الجديدة واولادها يقولوا للمرا الاولى ماما وهي ثانيك عندها 3بنات وتوفت ابنة عمي وبناتها الى يومنا هذا تربطهم علاقة مليحة مع مرت بابهم
انا حكيتلك يا ام فادي الموضوع لكن انا ما نتقبلوش ما نحبش الشريك بكل صراحة

شوفي اختي انا نهدر الصراحة انا نحب راجلي ليا وحدي منحب حتى وحدة تشاركني فيه وتواعدنا على شيئ واحد اني انا منديه غير هو وهو ميديني غير انا وقتلوا فالعقد نكتب شروط وهدي الشروط راحا تكون ليا وحدي رغم كل الضروف ومن بينها في حالة عدم انجابي والا فهناك حل واحد وهو الطلاق
اما من جهة الدين بما ان الله عز وجل حلل 4 زيجات فهدا الامربالضرورة راحا يكون امر قادر عليه لم ينطق بها هباء و
يوجد العديد من الزيجات يقبلون الامر ويتصاحبوا والامر عادي
ويكون الله في عون الجميع

سلام شكرا على الموصوع المميز
انا رايي مع اني منتخيلش تكون عندي درة مي يعني اذا كتب ربي وشاء علاش مايكونوش صحابات حتى يجوزو حياتهم كامل ماشاكل وعياط……….
المهم ربي مايحط حتى وحدة في هادا الموقف ااااااااااااااااااااااامين