جربي هذه الوصفة جربتها من قبل و عجبتني
300غ شكولا نوار
200غ شكولا بالحليب
100غ كريمة طازجة مخففة
40غ زبدة من الأحسن و ليس مارغرين
pralin
يعطيها ذوق رائع
للحشو:
مكسرات حسب الرغبة
قطرات من عطر البارلان
ذوبي الشكولا بالحليب على حمام مائي و مبعد نحيها من النار و حطيلها الكريمة و خلطي مليح
ضيفي المكسرات و العطر و اخلطي الكل
ذوبي الشكولا نوار في حمام مائي و امسحي بها مول السليكون حتى تتحصلي على القالب
دخليها المجمد 5د و خرجيها
عمريها بالحشو و عاودي اغلقي عليها بالشكولا نوار
غير تجمد نحيها و قدميها
وهدا PRALINE صنعته بنفسي
يعطيك الصحة
هايلة الله ايبارك
بصحتكم
بصحتكم
يعطيك الصحة تبان هايلة
بصحتك حبيبتي
خرجتلك روعة
و الذوق عجبك؟؟؟؟؟
خرجتلك روعة
و الذوق عجبك؟؟؟؟؟
بنتها هايلة يعطيك الصحة
بصحتك اختي وبخاليني كيفاه درتيه واجد طريقته ، وراولك سموك تورينا بروسي ههههههه
درت في مقلاة لوز 150 غ و سكر 150غ 2 معالق ماء يرجع كاراميل فوق النار حطي ورق الزبدة او اي ورق مدهون بالزيت وصبي الخليط حتى يبرد و هرسيه و طحنيه
أه صح مشكورة حنونة راني تعبتك معايا هاذ الياامت وربي يفرحك ويناولك لي في بالك يارب
الله يعطيك لتتمني
