الصفير عند المولود الجديد

السلام عليكم
واش راكم

انا ولدت مموشتي الجيرياعندي 18 يوم و بنتي عندها الصفير و ماحبش يروح الجيرياو طبيب عطاها فيتامين برك و قالولي يروح مع الوقت مي انا مقلقة ياسر شكون الي تعرف حاجة نديرها تقولي عليها
والا حاجة نوكلهالها انا و تفيدها هي من الحليب الي ترضعو
ربي يعيشكم طمنوني و دبرو عليا الجيريا

ماعندي حتى فكرة
ان شاء الله يفيدوك الاخوات
ربي يشفيها و يعافيها

حبيبتي انا عندي ولدان و الاثنين كي ولدت بيهم عندهم الصفير شريت الفيتامين كيما قلت و دارتلي عجوزتي عشبة مليلس غلتهالي شربت انا و البيبي عدة مرات و المرة الثانية كي راح لطبيب طمنا بلي راح منو و شربت انا معاه هاذ العشبة لاني نرضع ربي يشفيلك بنتك و متتقلقيش راهو شيء عادي
متخافيش حنونة يروح مع الوقت نظن كاينة عشبة يديروها ضك نحوس على اسمها ونفيدك

اسمها مقٌن نظن هكذا وانت زيدي شوفي كشما عجوز ههه هوما اللي يعرفو
باسكو الدوا ما يدير والو

أتمنى من الاخوات يفيدوك
ربي يشفيها

ما تتقلقيش اختي الصفير الان راه عندو تطعيم يوم الولادة والاعادة بعد شهر
بنتي الان عندها اربعة عشر سنة حكمها بو صفاير او اليرقان مع الولادة وكانت نسبته كبيرة فى الدم ولم يكن وقتها تطعيم له قعدت بيها عشر ايام في المستشفى يديروها تحت الضوء في الحاضنة كي يكسر اللون الاصفر في الدم هدا ماكان لا دواء ولا شيء
وكي زال الخطر لان الصفير كي يكون عارض فقط بعد بدء كبد البيبي بتصفية دمه لانه في الاول كان دم امه يمشي فيه في الرحم يبان اللون الاصفر وبعد اسبوع من عمر البيبي دلك الافراز (البيليروبين) هو المادة الصفراء تبقى وتروح بالتدريج بعد شهر اواكثر خرجت من المستشفى والطبيب ما وصفلي حتى دواء فقط مكمل الحديد لتفادي الانيميا لان الصفير متعلق بالدم
والخطر كيتطلع نسبة البيليروبين في الدم وفي الايام الاولى من عمر لبيبي قد يحدث خلل في تسرب الدم للمخ وبالتالي يحدث خلل في وظيفة الدماغ لقدر الله ودلك ما اصاب ابنتي وكما قلت لك كان عندها يومين ولم يكن هناك تطعيم
و الصفير الدي يصيب البالغين اليرقان هو مختلف اما التهاب الكبد الفيروسي او ورم في الكبد وكل عوارضه اليرقان او الصفير وله الناس عادة يشربو المليلس باش يصفي الدم ولا ادرى مدى فائدته
المهم مادام الطبيب طمنك اشربي انتي الحديد وكثري التمر والحليب باشتت تفيدى بنتك ان كانت ترضع طبيعي وتصفى مع الايام وتتنور مازالها صغيرة حتى شهر يبدى يروحلها اللون الاصفر
اسمحيلي طولت تتربى في عزك
معندي حتى فكرة ختي
متقلقيش روحك ان شاء الله يفيدوك الاخوات
حبيبتي مدامها صغيرة تبعي عند طبيب الاطفال واذا كبرت وماراحش وكان في عمرها 3 سنوات اطبخيلها مليلس راه فيه شفاء كان عند ولد اخي الحمد لله راه باخير
الاحت فتوحة كفات و وفات
.
.
اخطيك من الاعشاب بنتك راه عاد صغيرة و الوصفة اللي تنجح مع واحد مش اكيد تنجح مع الاخر …
هذا شيء عادي يروح مع الوقت و الطبيب هو يقلك متى يصبح خطر …
افضل حل هو تعريضها للشمس لكن بدون اطالة يعني عشر دقائق تكفي …
اقري مليح رد الاخت فتوحة راهي فهماتك في كلش …
انا ابني راه عنده شهرين و كان عنده اصفرار و راح كنت نديرو في الشمس الجزء السفلي فقط يعني ما نعريهش كامل و ثاني ما نعرضوش مباشرة للهواء يعني ضوء الشمس يدخل من النافذة و هي مغلوقة لاني كنت نخاف يمرض بالهوا
ربي يطمنك على ابنتك …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.