ارواحو عاونوني في التخصص

السلام عليكم لبنات
راهي بدات فترة التسجيلات الاولية واعطاوني اختيارات
تكنلوجيا
جيولوجيا

علوم اقتصادية التسيير و علوم تجارية
علوم المادة
علوم الطبيعية و الحياة
هادو هوما الاختيارات الي عجبوني وراني حابة نستفسر على كل وحد ادا ممكن لكن ميولي كلو للعلوم شكون عندها معلومات عليه تفيدني بلييييز وجزاكم الله خيرا

ألف مبروك على النجاح..أول شيء..
ثاني شيء…يقال أن الإحساس الأول غالبا ما يكون هو الصح…و عن تجربة ايضا حبيبتي…
إذن شوفي إحساسك الأول واش يقول لك و توكلي على الله…إن شاء الله خير
و آخر شيء ..يا رب البنات يفوتوا و ينوروك اكثر..

مبروك عزيزتى ضياء النسيم
انا قريت علوم المادة وتخصصت فيزيا كان ميولى ليها اكثر
وانت شوفي مستواك على حسب نقاط لى جبتيهم والمادة لى تخدمى فيها مليح
الاختصاص لى يبانلك يخرج عليك وتحسي روحك مرتاحة كى تختاريه توكلى على ربي حطيه هو لول في الاختيارات
وزيدي استخيري اختى

موفقة عزيزتى

الف الف مبررروك نتمنى لكي مزيدا من النجاااح
انا منقدرش نفيدك باسكو أدبية
وان شاءلله تلقاي حااجهة لي تساعدك
مبروووووووووووووووووووووك
حبيبتي
علوم التكنولوجيا تقراي العام كل شئ الا مادة العلوم(فيزيا،رياضيات.اعلام الي….)وفي السنه الثانيه كاين 45 تخصص
(كيمياء.هندسة مدنيه.هنديه اليه.هندسه كهربائية.هندسه ميكانيكيه…هذو هوما المشهورين ولي يقراوهم بزاف)
علوم ماده تانيك تقراي(مات.فيزيك. شيمي.اعلا الي…)والسنه الثانيه(كاين فيزياء وكيمياء)
اما العلوم الطبيعه والحياة (البيولوجيا)هي العلوم في بدايتها العام الاول يعاودي تفراي دروس الباك مي بالفرنسيه
جيولوجيا(علوم الارض والكون وتسيير التقنيات الحضاريه) هي ثاني تقراي المات والفيزيك وفيها الاتولي يعني الورشه تخدمي مشاريع وتخطيطات وتهبطي الى الميادين تشبه شوي للهندسه المعماريه
والعلوم الاقتصاديه اسهل هذه التخصصات تقراي غير بالعربي عليك وعلى الحفظ
نرتبهملك من الصعيب الى الساهل
علوم ماده
تكنولوجيا
علوم الطبيعه/جيولوجيا
علوم اقتصاديه
**هذه نصيحه من عندي حبيبتي تقراي حاجه تقدري تقرايها من قلبك وبالراحه
وتماجوري فيها **
بالتوفيق
ونشالله نكون وفيت واش راكي تحوسي
واي سؤال اخر راني هنا

3 apre chawri darkoum oukhti ana koun liya diri gestion

شكرا جزيلا لكن اخواتي على الافادة ديما نلقاكم وقت الحاجة شكرا مرة اخرى
مبارك عليك آختي
للآسف معنديش معلومة كنت آدبية
لكن نقولك خيري التخصص لي راكي مايلة ليها و تحسي أن قادرة تقريه و من بين التخصصات لي حطيتيهم يعجبني علوم اقتصادية التسيير و علوم تجارية فيه فرص عمل كثيرة
موفقة

شكرا غاليتي
موفقة اختي باختياراتك

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.